وجهة نظر ولك حق الإختلاف .. جمل قصيرة

بسم الله الرحمن الرحيم

السلام عليكم ورحمة الله وبركاته

لن أخوض في وجهة نظر طويلة تملوا من قراءتها ، وانما ساعتمد على بعض الجمل القصيرة عن بعض الأحداث والمشاهدات الرياضية في الفترة الأخيرة ، وأتمنى من الكل تقبلها بصدر رحب لأنها تعبر عن أحداث شاهدتها بنفسي ، وبعضها يحمل رسائل لعلها تصل بشكل سليم

الأجواء اللي بيعيشها الأهلي والإعلام للجماهير عن معارك ومؤامرات ومفاجآت ومصاعب تنتظر الأهلي في الكاميرون وتصريحات جوزيه عن مؤامرة في الكاميرون من الحكم بسبب أن رئيس الإتحاد الأفريقي كاميروني ، كل ده بيفكرني ببرنامج .. الكتكوت الفصيح كل يوم يصيح

تصريحات مؤمن عبد الغفار بأن الدوري مازال في الملعب كان أولى بها طارق يحيى على الأقل تذوق طعم المكسب بس الراجل مقالهاش بعد خسارة الأوليمبي مش بعد نقطتين فوقهم

من لا يحترم الآخرين يفقد احترام الآخرين له .. جملة تنطبق حرفيا على علاء صادق اللي كنت بحترمه أيام أنباء وآراء

مرتضى منصور يصرح بأنه على الأستاذ المحترم أحمد نظيف التدخل .. الله مش ده برضه نظيف بتاع الحكومة الفاشلة وفيلا 6 أكتوبر اللي ريحته فاحت .. يارب عادل امام يعمل فيلم عن الزمالك عشان نرتاح بقى

شاهدت اعلان قبل 4 أيام من كتبتي لهذة الكلمات وهو اعلان عن مسابقة اللي يكسب فيها يروح مع الأهلي اليابان يعني حيكسب تذكرة سفر ده لسه عن الماتش أكتر من أسبوع .. واضح انهم مسمعوش عن المؤامرات اياها .. بس سمعوا عن الجمهور اياه

الإعلام اياه دمر حازم امام مرتين .. لما رجعه من أوروبا ولما شيله مسؤلية ان هنري ميشيل مشى .. وكانت النتيجة اعتزال أعظم موهبة في تاريخ مصر .. ياريت يسيبوا جمال حمزة في حاله

اسلام الشاطر لاعب الأهلي السابق صرح وقال ان حسن حمدي والخطيب بعد نهائي الصفاقسي في تونس قعدوا معاهم في نفس اليوم وقالولهم نفرح النهاردة وننسى الفرحة أول لما نرجع مصر عشان عندنا ماتش في الدوي هو اللي يرجعنا هنا تاني .. حقا انهم يحبون ناديهم .. حقا انهم أناس يعملون في صمت

في تصفيات كأس العالم 2002 كان معانا المغرب والسنغال ونافسنا لآخر ماتش .. في تصفيا كأس العالم 2006 كان معانا كوت ديفوار والمغرب .. في تصفيات كأس العالم معانا مين؟؟؟ آه زامبيا اللي مصععدتش من المجموعة في كاس الأمم الأخيرة والجزائر ورواندا اللي ماكانوش صعدوا اساسا .. ربنا معاك يا حسن يا شحاتة .. فعلا الدنيا حظوووووظ

جمال حمزة اتزق في ماتش أسمنت السويس والحكم طرده ظلم .. الإعلام هاج على جمال حمزة وان كان حيخسر فريقه ووو .. في ماتش الأهلي أمير عبد الحميد دفعه بكل وضوح قعد صاحبنا يبرر قرار الحكم وطلعوا جمال حمزة غلطان وخسر فريقه ووو .. في ماتش القطن أبوتريكة رمى نفسه في منطقة جزاء القطن .. صاح المذيع شوف الذكاء عايز يلبس المدافع ضربة جزاء الله عليك يابوتريكة .. صبرنا وصبر جمال حمزة يارب

تلك كانت مني وجهة نظر وبالطبع لك حق الإختلاف

شكرا يا عسل جامد

صبرنا وصبر جمال حمزة يارب

شكرا لمروركو يا رجالة
عقبال باقي الأعضاء