عدد الرسائل : 1 العمر : 35 العمل/الترفيه : طالب تحت الطلب المزاج : عـــــــــــــــــالي نقاط : 0 تاريخ التسجيل : 22/10/2008
موضوع: عيد اللحمة والهووووووووب "عم أحمد" الجمعة ديسمبر 05, 2008 4:39 pm
كل سنة وأنتم طيبين وإحنا على عيد اللحمة داخلين، طبعاً كلنا وإحنا صغيرين عارفين إن فيه عيدين: عيد صغير وعيد كبير، لكن بصراحة أنا كنت دايما عارف إن العيد الأولاني عيد العيدية واللبس وأن العيد التاني عيد اللحمة واللبس برضه لكن مفيش في العيد ده فلوس.. بصراحة كنت باحب العيد الصغير قوووووي علشان كان بيبقى معايا فلوس كتيييير قوي بتاع 150 - 200 جنيه كده يعني هاروح مع أصحابي ماك ومؤمن ومفيش مانع من طبق كشري، لكن بما إننا في العيد الكبير قصدي عيد اللحمة والخرفان والعجول وأنا كمان ماليش غير في أكل النواشف والتيك أواي فبالنسبة لي عيد اللحمة هو صلاة العيد والفرجة على العجول وهي بتدّبح، يعني تلبس الجلباب الأبيض أو الجلابية البيضا -زي ما تحب- وتنزل تصلي في جامع "مصطفى محمود" وتشووووووف ناس كتييييييييييييير منهم اللي تعرفه ومنهم اللي أكيد ما تعرفهوش، تخلص صلاة وترجع جري علشان تلحق عم "أحمد القرص" الجزار -أيوه اسمه كده- وتشوفه وهو بيدبح أول عجل عند بيت الحاج "إبراهيم الكلحي" بمساعدة شباب المنطقة وبصوت مميز يقول عم "أحمد": هووووووووب امسك يا ابني أنتَ- وهوب يشقلب العجل على الأرض متقمصا دور "شون مايكل" في حلبة المصارعة وهات لمس أكتاف للعجل وبسم الله، الله أكبر وطرطش الدم يا معلم وخمسة وخميسة والجلابية البيضة تبقى حمرا.. المهم إن أنا واقف أتفرج من بعيد مش عشان خايف من الدم لأ لأ عشان سببين: الأول إني مقتنع تماماً إن في مرة العجل لن يستسلم وهيقول في عقل باله أنا يا قاتل يا مقتول ويهيج على كل الواقفين والسبب التاني إني خايف من ماما لتبهدلني لو رجعت بالجلابية فيها دم.
يتحرك عم "أحمد" الجزار وأنا وراه من بعيد ويروح لمكان تاني وهوووووووووب (باور سلام) وبسم الله الله أكبر وطرطش الدم يا معلم وخمسة وخميسة والجلابية البيضة تبقى حمرا... والأمور تعدي على خير لا العجل هاج ولا ماج ويلعب الشيطان برأسي... زززززززززز -لا ده الشيطان بيوسوس (ادخل يا جبان شارك أصحابك الفرحة أمسك رجل العجل حتى واعمل منظر بدل ما أنت واقف بعيد ما تخافش مش هيعمل حاجة ومفيش مشاكل أما ترجع بالجلابية حمرا ما أنت طول عمرك بترجع بيها بيضا ويكمل زززززز......
ينتقل عم "أحمد" لمكان آخر بس المرة دي الفقيد جمل مش عجل؛ أقول في عقل بالي: شفت أهو جمل لو كان عجل كنت شاركت ونفس الأمر مع الجمل يقول "عم "أحمد القرص": هووووووووب وبسم الله، الله أكبر وطرطش الدم يا معلم وخمسة وخميسة والجلابية البيضة تبقى حمرا.. واللي حصل مع العجل حصل مع الجمل.
وأخيراً بعد هذه المشقة يتبقى العجول الثلاثة لدى عائلة "الصاوي".. ويبدأ عم "أحمد" التعامل مع أول العجول وكالعادة هووووووووب وبسم الله الله أكبر وطرطش الدم يا معلم وخمسة وخميسة والجلابية البيضة تبقى حمرا.. ونفس الأمر بالنسبة للثاني.. وباتت اللحظة الحاسمة أنه العجل الأخير وينتهي العيد بالنسبة لك عيد اللحمة وزززززززز -يرجع يوسوس الشيطان تاني يا ابني ادخل يبقى لا فلوس ولا أكل لحمة ولا مشاركة ادخل أعمل أي منظر ادخل يا حمَاااااااا -إنت هتغلط وللا إيه- قصدي يا حماااااادة.. في هذه اللحظة قررت أن أخوض التجربة وأكون أول المشاركين في الهوووووب بتاعة عم "أحمد"؛ لكن هذه المرة العجل مختلف فهو قووووي وشكله عجل منحرف ومش بتاع هووووب خالص المهم أنا قررت واللي يحصل يحصل، بدأ عم "أحمد" في تكتيف العجل بطريقته وقد بدأت تخور قواه يعني تضعف -ده عم "أحمد" مش العجل- ولكن العجل مستسلم تماماً -قلت في عقلي: الأمور بسيطة وسهلة خالص- قربت من العجل وما إن مسكت بقدمه حتى التقت عينانا -أنا والعجل مش عم "أحمد- وأحسست بشيء غريب في عيني ذلك العجل وكأن هناك حوارا يدور بيننا كيف يستسلم ذلك الكائن الحي بهذه الطريقة وهو مقبل على الموت وهل يتعذب فعلاً ذلك العجل أم أنها سنة الحياة وما زالت عيناه "تزغران" لي كأنني أحد المشاركين في جريمة وليس في أضحية؛ أقسم أن هذا العجل يعي تماما أنه بعد لحظات ستفصل رأسه عن جسده.. لكن هذا لا يعنيني في شيء فأنا في انتظار اللحظة الحاسمة الذي أشتاق لها منذ سنوات وهو أن أكون بالقرب من الهووووووب وأنطق معهم: بسم الله، الله أكبر وطرطش الدم يا معلم وخمسة وخميسة والجلابية البيضة أخيراً أخيراً هتبقى حمرا..
وما إن نطق عم "أحمد" الهوووووب يا ولاد.. حتى انتفض العجل من مكانه وهاج وماج ورفس أحد الواقفين بجواري ليطير في الهواء مستقراً بعدها على سقف عربية 1/ 2 نقل.. فسكن العجل برهة إلى إن التفت تجاهي ناظرا النظرة ذاتها –"الزاغرة"- وكأن هناك "تار بايت" بينا، ثم أطلق قدماه للرياح ركضا ورائي –يا نهار إسود- وهاتك يا جري في شارع جامعة القاهرة الرئيسي وأنا أقول: والنبي يا عم "أحمد" قول الهووووووب، وفجأة اسودّت الدنيا في عيني وفتحت عيني على عم "أحمد" بجواري ماسك سكينه الطويل وبيقول: الهوووب يا ولاد امسكوا العجل وبسم الله، الله أكبر وخمسة وخميسة والجلابية البيضة أخيراً بقت حمراااا.
yaso V I P
عدد الرسائل : 1339 العمر : 32 الموقع : www.mazag.tv العمل/الترفيه : طالبه المزاج : تمام نقاط : 155 تاريخ التسجيل : 22/08/2008
موضوع: رد: عيد اللحمة والهووووووووب "عم أحمد" الجمعة ديسمبر 05, 2008 8:18 pm
ههههههههههههههههههههههههههههههههههههه
يعنى فى الاخر حصل ايه وهوووووووووب وبسم الله الله أكبر وطرطش الدم يا معلم وخمسة وخميسة والجلابية البيضة تبقى حمرا...
يالا على العموم كل سنه وانتم طيبين
ميدو ابو العربي صديق فى السحاب
عدد الرسائل : 787 العمر : 34 العمل/الترفيه : خارج نطاق الخدمه المزاج : معقول نقاط : 195 تاريخ التسجيل : 28/10/2008
موضوع: رد: عيد اللحمة والهووووووووب "عم أحمد" السبت ديسمبر 06, 2008 1:02 am
ماشى ياحاج استمر واياك تغيب وياريت تاخد بالك من لحمه العيد محدش عاد ضامن اى حاجه
totyaat2020 نائب المدير
عدد الرسائل : 776 العمر : 35 الموقع : https://friendz.ahlamontada.net العمل/الترفيه : كل حاجه عسل المزاج : زى الفل نقاط : 52 تاريخ التسجيل : 23/08/2008
موضوع: رد: عيد اللحمة والهووووووووب "عم أحمد" السبت ديسمبر 06, 2008 2:46 am
زى الفل ايه الجمال ده
valentino نائب المدير
عدد الرسائل : 1031 العمر : 34 الموقع : www.friendzall.tk العمل/الترفيه : عيل ندل المزاج : معاكسة النسواااااان نقاط : 169 تاريخ التسجيل : 22/08/2008
موضوع: رد: عيد اللحمة والهووووووووب "عم أحمد" السبت ديسمبر 06, 2008 2:55 am
طــــــــــــــــــــــــــــــــــــــــيب
bejeeta صديق اخر حلاوه
عدد الرسائل : 1683 العمر : 34 الموقع : FRIENDZALL.TK العمل/الترفيه : مهندس نص لبه المزاج : الحمدلله دائما نقاط : 726 تاريخ التسجيل : 24/08/2008
موضوع: رد: عيد اللحمة والهووووووووب "عم أحمد" السبت ديسمبر 06, 2008 12:18 pm
هههههههههههههههههههههههههههههههههههههههههههههههههههههههههه وربنا توبيك عسل يا عسل
ana mosh nabil V I P
عدد الرسائل : 748 العمر : 34 العمل/الترفيه : 07775000 المزاج : seko beso feso نقاط : 34 تاريخ التسجيل : 10/10/2008
موضوع: رد: عيد اللحمة والهووووووووب "عم أحمد" السبت ديسمبر 06, 2008 7:40 pm
انا مبحبش اللحمه وبعدين الجلابيه البيضه عمرها متبقى حمرا ممكن تبقى خطين حمر ماشى اشطه يا طلعوت
ميدو ابو العربي صديق فى السحاب
عدد الرسائل : 787 العمر : 34 العمل/الترفيه : خارج نطاق الخدمه المزاج : معقول نقاط : 195 تاريخ التسجيل : 28/10/2008
موضوع: رد: عيد اللحمة والهووووووووب "عم أحمد" السبت ديسمبر 06, 2008 8:07 pm
ملكش دعوه بنبيل يا طلعوت
koto مشرف
عدد الرسائل : 526 العمر : 34 الموقع : www.a7eba.tk العمل/الترفيه : university student foorball & fifa game المزاج : not bad نقاط : 66 تاريخ التسجيل : 10/10/2008
موضوع: رد: عيد اللحمة والهووووووووب "عم أحمد" السبت ديسمبر 06, 2008 8:50 pm
شكرا يا طلعوتي بس هو انت عضو ؟؟ انا مبتعطرش فيك خالص
nour V I P
عدد الرسائل : 589 العمر : 36 الموقع : www.mazag.tv العمل/الترفيه : طالبة نقاط : 272 تاريخ التسجيل : 25/08/2008
موضوع: رد: عيد اللحمة والهووووووووب "عم أحمد" السبت ديسمبر 06, 2008 9:56 pm