رأي حازم .. عايزين مدرب صايع

بسم الله الرحمن الرحيم

رأي حازم .. عايزين مدرب صايع 744

دي مقالة الكابتن حازم امام الأسبوعية تحت اسم رأي حازم في مجلة عين بتاريخ الخميس 19-2-2009

رأي حازم .. عايزين مدرب صايع

نادي الزمالك , النادي العريق, أول مره أحس فعلا انه بينهار, في كل مره اقول هنرجع .. هنكسب .. كل مباراه يبقى عندي أمل في ان الزمالك ممكن يحقق العادي والمنتظر وانه يفوز أو حتى يسجل ولو هدف . لكن مش بيحصل
أنا بكتب بعد مباراه الاتحاد ولأول مره أحس اننا لو لعبنا تلات ايام مش هنكسب ولن نحرز أهداف . احساس غريب حاسس به وانا بتفرج على المباراه . مش متفائل ومش حاسس ان في امل نكسب . مقومات الفوز مش موجوده ولا يوجد كارت كسبان في الملعب . مع احترامي الشديد لكل الأفراد . مين اللي بيلعبوا دول . انا من قبل الماتش شايف ان لما اي حد يسمع التشكيل ممكن يحط أمله في مين ؟
مين يقدر يعمل فارق لصالح الفريق .. مفيش ولا حد بيرقص او بيعدي بالكوره . مفيش ولا جمله بتتعمل . مفيش ولا كره عرضيه لا يمين ولا شمال .. مشكله كبيره بجد يا جماعه .. فرقه زي الزمالك بتلعب من غير نظام في الملعب .. لما ميبقاش في تكتيك ومفيش مهارات طب هنكسب ازاي ؟
انا ضد مقوله الكويس في التمرين يلعب لأن في أكثر من لاعب في الزمالك بتوع التمرين متلاقيهمش في المبارايات . ومع احترامي للمدرب أحب أقول ان الوقت ده عايز مدرب مصري صايع كوره يعرف يتعامل مع اللعيبه يعرف يلمهم ويكون عارفهم . ولازم اللعيبه الصغيره تلعب واحده واحده خصوصا ان مفيش حد مميز اوي لكن هيتحسنوا مع الوقت . كلام كتير اوي الواحد عايز يقوله بس اهم حاجه ان الوقت ده بالذات لازم كل الزملكاويه يقفوا مع بعض ويقفوا مع النادي وكفايه كلمه " انا " اللي قضت علينا . وان كل واحد شايف ان الحل عنده بس والباقيين وحشين . يارب حد يسمع .. لكن أشك .

منقول من
www.hazemimam14.com

كلااااااااااام سليم
وصح وميه ميه
شكراااااااااا يا كتكت

طبعا كلام مظبوط

وفعلا صعب تدفع بمجموعه كبيره من الشباب دفعه واحده فى ظل الظروف دى
وغير كده اعتقد ان المدرب الحالى لا يصلح الا للعب الكوتشينه

شكرا لمروركو وتفاعلكو يا شباب