koto مشرف
عدد الرسائل : 526 العمر : 34 الموقع : www.a7eba.tk العمل/الترفيه : university student foorball & fifa game المزاج : not bad نقاط : 66 تاريخ التسجيل : 10/10/2008
| موضوع: رأي حازم .. فضيحه السبت والأحد الخميس فبراير 26, 2009 3:43 pm | |
| بسم الله الرحمن الرحيم
دي مقالة الكابتن حازم امام الأسبوعية تحت اسم رأي حازم في مجلة عين بتاريخ الخميس 26-2-2009
فضيحه السبت والأحد بحب يوم السبت والأحد عشان العالم كله بيلعب في اليومين دول، فعلا الواحد بيستمتع جدا بكم المهارات الجميله في الدوريات الأوروبيه وخصوصا في انجلترا وأسبانيا وايطاليا .. المهم .. كان يوم الأحد الماضي تلعب مباراه بين الأهلي وبتروجيت، وهي مباراه المفروض انها حلوه بين الأهلي البطل صاحب اللقب ، وبين صاحب المركز التاني في الدوري وأحد المجيدين هذا الموسم، وكان في نفس وقت مباراه ستاد السويس كانت بتتلعب مباراه ليفربول ومانشيستر سيتي .. أنا قلت أتفرج على مباراه أول وتاني الدوري بتاعنا وفضلت منتج بلدنا على ماتش في الدوري الانجليزي .. لكن اتفرجت شويه وبعدين قلت أقلب الناحيه التانيه شويه من باب حب استطلاع نتيجه ماتش ليفربول .. وحولت القناه وياريتني ما حولتها لأني لقيت حاجه تانيه خالص غير اللي كنت بشوفها في الدوري بتاعنا وكأنه كوكب مختلف، ومش بتكلم على مستوى اللعب وبس، لكن ايه الناس دي، أنا لقيت الكره حكايه والملعب حدوته والناس دي بتلعب حاجه غير لعبتنا خالص ، الواحد كان فاكر نفسه لاعب كره لكن الحقيقه احنا بعيد أوي عن الناس دي .. المهم رجعت تاني أتفرج على ماتش الأهلي لقيت ملعب شكله غريب ولونه أغرب ومتعرفش أخضر ولا أصفر، ورتم المباره بطييييييييييييئ جدا، واللذيذ كمان لما الحكايه كملت والنور ضرب وبقت كحلي، حاجه غريبه جدا ان النور بيتقطع في ملاعبنا لغايه دلوقتي في 2009 واحنا داخلين على تنظيم كأس العالم للشباب .. عموما ربنا يستر علينا وعلى ملاعبنا، الحاجه المهمه اللي طلعت بيها من اليوم ده اني أناشد اتحاد الكره عدم لعب أي مباريات أيام السبت والأحد تاني عشان مانتكشفش، وياريت نسيب اليومين دول بحلاوتهم زي ما كانوا دائما
hazem_3ain@hotmail.com
| |
|