قصه حب بجد علي النت 2 لكن دي عاكس 1 خالص

ولد عادي عنده 16 سنه اسمه ولا بلاش اسمه دا خليه في الاخر ما علينا رحلته
مع النت عمرها 4 سنين عرف و جرب و ممكن نقول انه عارف اشتغالات النت كويس
جدا كانت اول مره يدخل شات عربي بيتكلم في الحوار العام يفاجا برساله خاصه
مبعوته من ولد او هو ظن انه ولد المهم راح صاحبنا رد علي الرساله و كان
الحوار كالتالي
الشخص- هاي ممكن نتعرف
صاحبنا - ممكن طبعا
-مين؟؟؟
-احمد سوهاج 16 سنه
- اهلا و سهلا تشرفنا يا احمد
- انا اكتر بس حضرتك تعرفني ؟
- لا بس يعني عادي
-عموما كله خير
- انتا صعيدي بقي و دمك حامي
- يعني ماهو كل الكلام اللي بيقولوه عالصعايده كده وانا بسمع و بطنش
- انا من اسكندريه علي فكره و غالبيه الاسكندرانيه صعايده اساسا
- يا سيدي مش مشكله ماهي العمليه مش انتا منين ولا ايه الموضوع كله في العقل
- بس علي فكره انا مش يا سيدي
- ازاي يعني
- انا بنت و اسمي عبير
و هنا احتقن وجه صاحبنا و جاب الوان الطيف بدرجاتها عشان اخر حاجه كان ممكن يتوقعها انن بنت تكلمه زائد انه متعقد من البنات خلقه .
- اهلا و سهلا يا انسه عبير
- ايه يابني سيدي و انسه و الكلام دا ما ترفع التكليف دا شااااات
- حاضر حاضر بس اعصابك
-مالها بقي اصابي ماهي حديد اهي احنا هننق ولا ايه
- لا ابدا و الله عادي اللهم لا حسد و لا نق و لا قر و لا اي حاجه باي لغه تاني
-ما علينا
- اه صحيح انتي عندك كام سنه
-16 الا شهرين
هنا بقي وش اخينا ما جابش الوان و بس دا جاب جاز و بنزين و جميع مشتقات
البترول بنت و في نفس سنه مع ملاحظه انه متعقد من البنات بصفه عامه و من
الي في سنه بصفه خاصه و .. كفايانا رغي نرجع للموضوع
و زاد الكلام شويه في كلام فارغ و لبس و موضه و عبط و حاجات ملهاش لازمه و بما انكوا عنيكو وجعتكوا يبقي نخلص من سكات
-احمد هقولك بقي باي دلوقتي علشان انا لام امشي
- خلاص اوكي باي باي و خدي بالك من نفسك
- باي
رجع صاحبنا بيتهم و هو ناسي كل الكلام العبيط اللي قالوه لبعض و مروا يومين و هو قاعد علي نفس السايت ...
-هاي ازيك يا احمد
-هاي ... مين؟؟
- انا عبير يابني نسيتني
- اه عبير اهلا ازيك
المصييه انه مش فاكر مين عبير دي اساسا و بان علي كلامه انه مش فاكر المهم راحت عبير قالتله
- يابني انتا باين عليك مش فاكرني انا لسه مكلماك من يومين
-ااااااااااااااااااااه عبير بس افتكرت .. معلش متزعليش مني انتي عارفه المذاكره وو جع القلب بتاع ثانويه عامه.
- لا ولا يهمك يا سيدي
المهم قعدوا يرغو في مواضيع تافهه حبه و فضلو يكلموا بعض تقريبا عشر ايام و في اخر العشر ايام
- احمد .. انا عوزه اقولك حاجه بس ما تزعلش
- لا ابدا انا مبزعلش من حد
- انا يعني حاسه اني مستريحالك قوي و ..
-نعم
- احمد انا معجبه بشخصيتك قوي و حاسه اني حبيتك
- بقولك ايه يا عبير انا قلبي خفيف و مش حمل هزار
- والله العظيم باتكلم جد
- يابنتي ازاي دانتي حتي ما شفتينيش و لا حاجه مش يمكن اكون كداب في اللي قلته عن نفسي ولا حاجه
-احمد دي حاجه بتاعه ربنا و ارجوك متزعلش
- لا اله الا الله يابنتي ما الموقف غريب انا عمري ما شفت اتنين يحبوا بعض عالنت
- يا سلاااااام اذا كانت اختي حبت واحد من علي النت و اتخطبوا
- بس يا عبير دا استثناء يعني مش قاعده مش كل ولد و بنت هيعرفو بعض عالنت حيحبوا بعض و الحب دا هينجح
- انا شفت مثل قدامي و ماليش دعوه بالقواعد
- امرنا لله و ليكن بافتراض انك بتحبيني فعلا انتي عارفه بيني و بينك كام كيلو
- ميهمنيش كام كيلو ولا كام سنه ضوئيه حتي المهم اني بحبك
-خلاص يا بنتي و لا تزعلي نفسك اديني سكتت خااااالص
-احمد معلش انا لازم امشي
-اوكي براحتك
- هشوفك بكره الساعه 4 بعد الضهر اوكي
-تشوفيني فين ?????
-عالشات طبعا يعني فين
- خلاص اوكي
-يالا باي
-باي
رجع اخينا البيت و لاول مره ابتدا يفكر في موضوع عبير دي بنت و قابلها
عالنت يبقي من المستحيل انها تحبه في 10 ايام زائد انها لا شافته و لا
شافها و لا حتي سمعوا صوت بعض.... ممكن هتقولوا انه ولد و بيشتغل اخينا دا
بس ارجوكوا اصبرو للاخر ...اي احنا فينا من ضرب ؟؟؟؟ خلاص خلاص هكمل
الواد مينكرش انه اتعلق بالمعاد الي هي بتيجي فيه و بيستناها كل يوم عدوا
كام يوم و هما بيقابلو بعض عالنت و بيتكلمو في نفس الموضوع انها بتحبه وهو
مش مقتنع بعد اسبوع تاني اقتنع انها يمكن بتحبه ما علينا ابتدا هو شويه
شويه مخه الناشف اللي عامل زي البرطوش الصعيدي دا يلين و يتقبل كلامها علي
انه صح . عدا علي الموضوع كمان اسبوع خدوا فيها نمر تليفونات بعض (
الموبيل طبعا ولا يخفي عليكم انه جاب الموبيل عشان خاطرها رغم انه ما كانش
مقتنع بيه من اساسه علي فكره نمره الموبايل اللي ادتهولو نمره موبايل غاده
صحبتها ) المهم اتاكد انها بنت و بقوا بيكلمو بعض يوماتي عالنت و
عالموبايل لغايه ما اخينا وقع تمااااااااما و بقي بيحب عبير اكتر من نفسه

المهم باختصار بعد شهرين من الحب اللي مالوش اي معني دا فكر احمد انه
يسافر اسكندريه مع العلم انه داخل علي امتحانات ثانويه عامه بعدها بشهر
(عبيط مش كده) المهم بعدها بيوم راح مسافر و ركب قطر اربعه الا ربع الي
رايح اسكندريه مع العلم برضه انه مالوش حد في اسكندريه غيرها يعني هيروح
يتلطم و يتسوح بس كله فداها ( دا المنطق بتاعه ساعتها) المهم وصل اسكندريه
الساعه 1 صباحا يعني 4 ساعات عالفجر و ياذن المهم نزل في سيدي جابر و فضل
يدور علي مطعم انه يلاقي مطعم غير
مطاعم السمك مفيييييييييييش نهائي المهم شاف يافطه من بعيد افتكرها يافطه
مطعم فضل ماشي ماشي ماشي
المهم طلعت في الاخر اعلان شاي ما علينا راح ركب تاكسي و راح ميامي زي ما
قالتله انها ساكنه هناك ما علينا السواق خد منه ولا بلاش لا تتخضوا و راح
جاب ساندوتشين شاورمه و فضل ماشي عالكورنيش لغايه الساعه 2 و نص المهم لقي
ناس بيجرو راح جري زيهم قال اهو احرك جسمي شويه جري قيمه 10 متر راح موقفه
امين شرطه لانه بيجري و شايل هاند باج علي كتفه منظرها بايخ مش كده؟؟
المهم راح امين الشرطه ساله بطاقتك راح مطلعله البطاقه و كارنيه المدرسه
العسكريه الي هو فيها المهم الامين طلع برضه من سوهاج فقاله يابني لو عايز
اي حاجه تعالالي في قسم سيدي بشر هتلاقيني هناك المهم مشي شويه و بص لقي الشارع مفهوش مخلوق يوحد
ربنا راح قاعد علي كافي شوب و شرب جردلين قهوه (ملحوظه الجو في اسكندريه
اليومين اياهم كان برد شويه و اخينا عامل جدع و لابس نص كم عشان الدنيا في
سوهاج كانت حر نااااااااااااار عبيط مش كده ) شويتين و الفجر اذن راح صلي
الفجر و قرا قران في الجامع شويه لغايه م النور طلع راح ماشي من الجامع و
هو عنده امل ان ربنا يوفقه جات الساعه 7 الصبح و راح اخينا قاعد علي البحر
و كتب شويه شعر علي سبيل الهديه عدا اليوم لغايه الساعه 5 ونص بعد الضهر و
راح مكلم عبير و قالتله اول مره في التليفون بحبك و اخينا
طاااااااااااااااااااااار من الفرحه مش الفرخه عشان عارفكو زهقتوا مني و
جعتو ... اتفقوا علي ان المعاد الساعه 7 و نص المغرب جات سبعه و نص و
اخينا واقف علي الكورنيش من سبعه شويه في شويه بص لقي الساعه 8و نص
اوباااااااا اخينا خد بعته جامده طحن و مشي شويه ناحيه المنتزه و كل ما
يتصل بصاحبتها غاده اللي جايه معاها تكنسل عليه مشي تقريبا نص كيلو و شويه
و الموبايل يرن مين يا احمد دي غاده بترن طااااااااار تاني من الفرحه و
راح مكلمها
-خير يا عبير مجيتيش ليه انتي و غاده
- ابدا اصل الدنيا كانت زحمه و جينا في عربيه اخو غاده عشان كده كنت بكنسل عليك المهم انتا جاي ولا لأ
- جاي طبعا دقيقه و اكون عندكو بس انتي لابسه ايه
- توب ابيض مرسوم عليه قلوب سودا و بنطلون اسود
-اوكي باي دلوقتي ثواني و اكون قدامك
و اخد النص كيلو في نص دقيقه معرفش ازاي المهم يروح ما يلاقيش حد يكلم
غاده تكنسل و في الاخر راحت قافله الموبايل فضل احمد يلف ويلف و عنيه ما
نشفتش ( يا عيني يا عيني يا عيني عالولد) المهم فضل ماشي من 9 بليل
لغااااااااااااايه 12 الضهر كان صابح يوم جمعه راح صلي الجمعه و عنيه ما
نشفتش برضه فضل لغايه الساعه 4 يحاول يكلم غاده او عبير ولا الهوي و لا
حد معبر اللي خلفوه بس و راح راكب و راجع سوهاج و هو عينه من سيدي جابر
لغايه الجيزه و هو عنيه برضه ما نشفتش المهم راح بعد الجيزه نام من التعب
مصحيش غير في سوهاج راح راكب تاكسي من المحطه لغايه بيتهم و جاي يخبط علي
الباب هوب راح طب ساكت من هده الحيل والتعب .... الكلام دا كان الساعه 3
ونص الصبح الساعه 6 والدته بتفتح الباب لقته متكوم علي الارض زي الشوال
راحت مقوماه و سانداه لغايه السرير و نام المهم برضه فضل يحاول يتصل بيها
مفيييييش بعدها باسبوع راحت غاده مكلماه و قيلاله انها هي و عبير
اتخانقوا مع بعض و مشيوا و قالتله لوعبير بتحبك هتكلمك المهم ابتدا احمد
يكلم غاده عشان يعرف منها اخبار عبير شويتين و بعد المكالمه باسبوعين
تلاته راحت عبير مكلماه من موبايل واحده صحبتها اسمها بسمه و قالتله كلمه
واحده هدت حيله رغم انه كان مش طايق يسمع اسمها قالتله محتاجالك و هي شبه
بتعيط المهم بليل وهو بيكلمها و بعد ما رجعت الميه لمجاريها من تاني راحت
بعتاله رساله بتقول(انتا شخص عبيط و تافه وانا استحاله احب واحد زيك احمد
زي ما يكون راح في غيبوبه مش قادر يستوعب الضرب دا كله المهم راح حاول
يكلمها مفيش برضه كام يوم و راحت نسمه صاحبتهم التالته مكلماه و قالتله
حاجات اكتشف من خلالها التاني
عبير طلعت امنيه
غاده طلعت رنا
هو طلع اكبر حمار في تاريخ البشريه
فضل برضه بيحب امنيه و كل اللي يعرفوه يشهدوا علي كده طبعا عدت السنه و
جاب 92.3 في ثانويه عامه علمي رياضه و في شهر 9 اللي فات يوم 29
الصبح دخل الشات لقيها كلمته و كلمها و قالتله انها جات و شافته من بعيد
بش شكله و اكررها تاني شكله معجبهاش

ياخبر ابيض ده انا نمت

لا فوقي محدش هيشيلك هنا غيري ونا عايز اللي يشيلني

انا كمان كونت نمت بس قصه شيقه

شكرا يا بجيتا

كل واحد بياخد على اد نيته " حكمه قديمه "

شكرا لردك يا ميدو
منور يا نجم

حبيبى يا بجيتا

بجد قصة جميلة جدا

انا مع ساسو

وانا مستحيل اكمل اكتر من كده

انا كملتها بس فعلا جميله اوي القصه يا بيجيتا

ميرسي نووووووور
شكرا يا ملك