Talking إتكلم .. فضفض .. عشان تحس إنك بني آدم !!, هي مصر فيها ايه؟!!

عندليب ما تخافش من غنوتك
قول شكوتك واحكي على بلوتك
الغنوة مش حتموتك، إنما...
كتم الغنا هو اللي حيموتك

إتكلم و فضفض ... عشان تحس إنك بني آدم
هي مصر فيها ايه؟

السؤال مش عارف هو سؤال غريب وللا سؤال طبيعي
ممكن يكون سؤال طبيعي عند البعض و سؤال غريب عند البعض الآخر
و ممكن السؤال لا يعني شئ عند البعض " اللي هما مرتاحين و أكيد الناس دي قليله اوي "
و ممكن كمان يكون السؤال مهم جدآآ عند ناس " و دي الناس التعبانه في البلد دي و داقت المر "

كتير مننا بنشتكي من البلد و من اللي بيحصل فيها
بس هو ايه اللي بيحصل فيها اساسا؟

كل يوم بنشووف مشكله جديده و مصيبه جديده في البلد
مصايب اشكال و الوان
و كأن المصائب مرأه تقف أمام المرآه لتتجمل ..
المشكله بقى إن المرأه دي بتحبنا اوي و لزقه فينا و مش عايزه تسيبنا Very Happy

عايزين نعرض في الموضوع دا إعتراضاتنا و إحتجاجاتنا عن كل ما يحدث في البلد .

غلاء في الأسعار .. الإهمال الشديد من موظفين الحكومه .. ضعف المرتبات الشهريه للموظفين
الإهمال سواء كان في التعليم اللي بقى زي قلته
الإهمال و الزباله اللي بقت ماليه الشوارع و على أسوار المدارس
المطبات الصناعيه اللي اصحاب المحلات هما اللي بقو يعملوها من نفسهم و المطب فيهم بقى عامل زي السد العالي
و كأن الشارع بقى ملكهم .
الطرق السريعه في مصر اللي كللها حوادث و بلاوي و ضعف الأمن و الحمايه فيها
الطريق الدائري اللي اتغير إسمه و بقى " طريق المووت " من كتر الحوادث و البلاوي الزرقه اللي عليه
مش أقل من خمس حوادث في اليووم
و الكووووووووسه .... و الواسطه .. و الرشاااااوي .. و حق كوباية الشاي عشان امشيلك المصلحه اللي إنت عايزها

حاجات كتيييييييييير اوي وحشه إحنا شايفنها
هنتكلم فيها و نفسرها و هنطرح أفكارنا ... إزاي احنا ممكن نحل ولو مشكله منهم
لو حد يقدر يجيبلنا صور تخص مضمون الموضوع يبقى مشكوور و لكن يفضل تكون صور حيه و حصريه يعني متصوره بكاميرآ عضو من " يلا يا شباب "
أنا عارف إن كل بلد فيها الحلو و فيها الوحش
لكن عندنا في مصر نسبة الحاجات الحلوه قلت اوي و السيئات زادت اوي عن حدها
هنبدأ مع بعض حملة " إتكلم .. فضفض .. عشان تحس إنك بني آدم"

و الله الموفق