دودو وجوجي

موضوع: دودو وجوجي الأحد يوليو 19, 2009 10:12 am

النهارده معايا حلقات جامده بتحكي قصه بنتين رايحين الجامعه ولاول سنه ليهم وبيتصاحبو علي

بعض وبيحصل بينهم مواقف هتعلمهم حاجات كتير وهنضحك كتير ويلا بينا نتابع الحلقات سوا

ملحوظات :

1- القصه لا تمت للواقع باي صله

2- يمنع منعا باتا نقل القصه بدون ذكر اسماء المؤلفين الرسمين والا هيبقي يومه مش معدي دودو وجوجي Bigemo_harabe_net-136

المؤلفون : جوجي و دودو

== الحلقه الاولي ==

النهارده بقي اول يوم في الجامعه وجوجي ودودو نازلين الجامعه تايهين فيها

ومش فاهمين حاجه في اي حاجه

عالم تاني بقي غير الثانوي وكده

وكمان جوجي اول مره تروح المنصوره وتشوف الجامعه وحاسه انها غريبه

ودودو نازله من الامارات هوا علي الجامعه

ومش فاهمه حاجه خالص في اي حاجه

جوجي

انا ايه ياربي اللي جابني هنا في المجاهل دي

يخربيت الثانوية العامه

مجموعي يعني ماحصلش القاهرة

مالقوش الا المنصورة يرموني فيها دودو وجوجي Bigemo_harabe_net-30

دودو

انا ايه اللي جابني هنا ما كنت قعدت جنب ماما هناك

فينك يا ماما تيجي تشوفيني

اروح فين دلوقتي انا يعني في المتاهه دي

هو المفروض يبقي في جدول ولا هاروح فين

انا اروح اشوف الجدول الاول

بس هاروح فين علشان اشوفه

اما اسال البت اللي جايه دي

شكلها بيئة اوي بس مش مشكله أي حاجة والسلام دودو وجوجي Bigemo_harabe_net-136

وتطلع مين البت دي بقي

الست جوجي اللي هي كمان مش فاهمه حاجه في حاجه

وتيجي دودو تسالها : لو سمحتي متعرفيش انا ممكن اجيب جدولي منين

اصل ده اول يوم ليا وانا تايهه بصراحه ومش عارفه اروح فين دودو وجوجي Sad

جوجي : وانا مالي انا كانوا قالولك عني اني مرشد الجامعه ما تروحي في اي نصيبه دودو وجوجي Mad

دودو في سرها :

( ايه البت دي هو انا قولتلها هاتي عشره جنيه ده انا بسالها علي الجدول دودو وجوجي Skull

طب لو سمحتي متعرفيش فين مرشد الجامعه علشان اجيب منه الجدول

جوجي : بقولك ايه انا جايه مخنوقة لوحدي ابعدي عني بدل ما افرقع في وشك

دودو : ( ايه البت العبيطه دي انا حظي دايما كده بيوقعني في ناس مجانين )

طب ممكن لو سمحتي تقوليلي انتي كليه ايه وسنه كام

جوجي : انتي جايه تحققي معايا وانتي مالك انتي دي حاجة غريبه جدا

ايه الاشكال دي علي الصبح دودو وجوجي Bigemo_harabe_net-80

دودو : (ايه البت الغريبه دي
انا امشي بشويه الكرامه اللي باقين عندي احسنلي )

دودو : طب خلاص يا تنت متزعليش نفسك كده دودو وجوجي Bigemo_harabe_net-66

جوجي : مين ياختيييييييييييييي

طنط دودو وجوجي Bigemo_harabe_net-80

طنط في عينيك

ده انتي اللي طنط

دودو : ( يالهوي دي شكلها هتتخانق معايا انا امشي من سكات احسنلي )

سوري سوري ايه الناس دي

جوجي في سرها :

( جاتكوا البلاوي ماليتوا البلد )

ومشيت كل واحده في طريقها وتمشي دودو تكلم في نفسها

ايه ده هو انا صغيره يعني

ما هما اكيد عاملين في الجامعه ارشادات

اما ادور كده منها لله البت دي

مش عارفه كانت متشعننه عليا كده ليه

لو اقدر امسك في زماره رقبتها دي بت عاوزه تضرب

جوجي

ايه البت دي

غريبه اوي شكلها بنت ناس بس خنيقه

ايه القرف ده ياربي بس من اول يوم كده

لا وحاطيني في كليه الشعب

اولع في نفسي يا ناس

وفضلت جوجي ماشيه لغايه ما ربنا هدالها الحال ووصلت اخدت الجدول بتاعها
وكمان دودو والحظ انهم في نفس الكليه

ودخلت جوجي المدرج

ايه ده المكان الكبير ده وايه الزحمه دي

الناس دي بتيجي منين

وياعيني ماتلاقيش مكان تقعد فيه

ودودو تدخل وهي بتقول في سرها :

ايه ده ايه ده انا هاقعد هنا ازاي

هاقعد ايه انا هقف هنا ازاي وهافهم ازاي

انا شكلي كده هتروح عليا السنه ده

انا معتمده علي المحاضرات دي زي ما كنت في الثانوي اعمل ايه دلوقتي ولا امشي فين

ايه ده كمان يالهوي البت اللي هناك دي اللي كنت شايفاها من شويه

اما اروح اشوفها هتعمل ايه اهي يمكن قلبها يحن عليا وتشوفلي مكان معاها دودو وجوجي Bigemo_harabe_net-07

وتروح دودو تكلم جوجي

وتقولها لو سمحتي

وتبصلها جوجي بقرف وهي مش طايقه نفسها

جوجي : انتي تاني هو انتي ورايا ورايا

دودو : يا انسه والله انا بس عايزة اعرف انتي هاتقعدي ازاي في الزحمه وهاتعملي ايه

جوجي : اعمل اللي اعمله انتي هاتشاركيني دودو وجوجي Raised%20Eyebrow

دودو : لا بس كنت عاوزه اعرف اصل انا شايفاكي حتي مش عارفه تقفي

وتضحك دودو ضحكه تستفز بيها جوجي دودو وجوجي Bigemo_harabe_net-136

جوجي في سرها : ( البت دي لازم تتقتل النهاردة دودو وجوجي Bigemo_harabe_net-136

يابت الحلال ابعدي عني الله يكرمك

دودو : الحقي الحقي في حته هناك اهي فاضيه تعالي بسرعه

وتجري دودو وجوجي علي المكان كانهم لقو لقيه

جوجي في سرها : ( ايه ده دي طلعت بت جدعه اوي

بس خنيقة برضة وشكلها كده جاية من بره هاتقعد تتمنظر عليا )

ويقعدو ويشرح الدكتور المحاضره

الغريبه ان الدكتور دخل مقالش حتي اسمه

ودخل في الشرح علي طول وعمال بيشرح في المقرر وبيتكلم بالالغاز

وهما الاتنين قاعدين محدش فاهم حاجة

جوجي في سرها : ( يا ساتر يا رب .. خير اللهم اجعله خير .. الراجل ده جاي منين )

دودو تهمس لجوجي : هو الراجل ده بيقول ايه ؟ دودو وجوجي Bigemo_harabe_net-99

جوجي : تقريبا كده مامته عيانه دودو وجوجي Bigemo_harabe_net-136

دودو : يا حرام الظاهر حالتها صعبه اوي وهو فاكرنا احنا الي هانعالجها ولا ايه

جوجي : ايه ده ... انتي فاكرة نفسك هاتصاحبيني ولا ايه ابعدي عني دودو وجوجي Bigemo_harabe_net-80

دودو : ليه كده ما كنتي كويسه

جوجي : هو كده بقي افترااااااا

وتعدي المحاضره تطلع دودو وجوجي

جوجي ( مش طايقه نفسها خالص )

اما اروح اشوف الزفت الشقة اللي شفت اعلانها في الجرنان خليني اخلص

دودو عايزة تصاحب جوجي

دودو : ما تيجي اعزمك علي حاجة من الكافتيريا

جوجي : تعزميني ؟؟ ليه ان شاء الله ؟؟؟ كنتي من بقية عيلتي ولا ايه ؟؟؟

دودو : انا قولت نرتاح بعد المحاضره الطويله دي ونروح نرتاح ونشرب حاجه

جوجي : مافيش ولا اكل ولا شرب امشششششششششي دودو وجوجي Bigemo_harabe_net-80

دودو : ليه هو الاكل خلص من الكافتيريا ولا ايه طب انا جعانه دلوقتي

وعاوزه اكل

الا هي فين الكافتيريا صحيح دودو وجوجي Bigemo_harabe_net-48

وجوجي هتتشل من دودو

جوجي : بت انتي تقريبا بتلعبي في عداد عمرك

دودو : طب قوليلي بس انتي اسمك ايه هكلمك كده وانا معرفش اسمك

جوجي : وتعرفي اسمي ليه هاتطلعيلي بطاقة وتكلميني ليه اصلا تعرفيني منين انتي

دودو : مش احنا اصحاب وزمايل هناديلك بأيه انا دلوقتي

طب انا اسمي دودو وانتي اسمك ايه بقي

فتحيه ولا ايه دودو وجوجي Bigemo_harabe_net-136

جوجي مش قادره تمسك نفسها خلاص جابت اخرها وفجاه راحت مصرخة بعلو صوتها

ابعدي عني

كل الناس قعدت تبص لجوجي باستغراب

وفجأه دودو وجوجي Bigemo_harabe_net-48

مش هاقولكو ايه اللي حصل دودو وجوجي Bigemo_harabe_net-136

تابعو معانا الحلقه الجاية وانتوا تعرفوا

ايه كل اللى قالتهولها ده ولسه عايزه تصاحبها

هههههههههههههههههههههههه
شكلي مش هكمل القصه مفيش تفاعل
ميرسي ساسو علي ردك
هما ديما كدا لاتنين اللي مش طايقين بعض دول بيحبوا بعض بعد كدا

ليه بس كده يا عم الحاج ما احنا معاك اهوه ومتابعييييييييييييييييييييين انزل بالجزاء التاني
اصل عايزه اعرف بعد كل ده هيتصاحبو ازاي

ابدع

لا والله قصه حلوه بس انا مستغربه بس هيتصاحبوا ازاى على العموم مستنين الجزء التانى

موضوع: رد: دودو وجوجي الجمعة يوليو 24, 2009 1:58 pm

== الحلقه التانية ==

راحت جوجي معيطة وانهارت

وصعبت علي دودو جدا وقفت دودو مش عارفه تعمل ايه وحست انها السبب

وقعدت تهدي فيها وراحت واخداها وراحوا الكافيتيريا

وطلبو حاجه ساقعه وجوجي هديت شوية

دودو ( في سرها ) :

البت دي شكلها طيبه بس شعنونة شويه انا هحاول اصحابها بقي

واهديها كده انا مش عارفه هي مش طايقاني ليه بس بكره نتعود بقي

اصل انا معرفش غيرها في المهرجان ده دودو وجوجي 12

جوجي في سرها :

لا بجد جدعه كان ممكن تسيبني واقفه لوحدي اعيط كده ولا تعبرني

بعد كل اللي عملته فيها ده بس مستحملاني هي مستفزة وخنيقة شوية بس جدعه دودو وجوجي Confused

وقعدو يتكلمو شويه مع بعض ودودو حكت لجوجي قصتها وكمان جوجي قعدت تتكلم

معاها وكل واحده قعدت تحكي عن التاريخ بتاعها

وارتاحت جوجي لدودو وارتاحت دودو لجوجي

وفكروا انهم يقوموا يشوفوا الشقه اللي هايقعدو فيها

الشقه بقي مش عايزة اقولكم

شرحة وبرحة وبتطل علي النيل كمان وفي احسن حته في المنصورة

جوجي : بصي بقي يا ست دودو ..

انتي بقي عارفة ان مافيش غير هي اوضة واحدة

فحضرتك اكيد هاتتفضلي تنامي في الصاله علي الكنبه وهاخد انا الاوضة

ماشي يا قطة

دودو : انام في الصاله ليه اشمعني انا يعني

انتي قصيره ممكن تنامي علي الكنبه هتاخدك

لكن انا طويله مش هتكفيني انا هنام علي السرير وانتي نامي علي الكنبه

جوجي : انا قصيره انتي اللي قزعه ومش باينه من الارض 14.gif

دودو : خلاص بقي يا جوجي احنا نقسم السرير نصين ونتصرف لغايه ما نروح نجيب سرير تاني

واخيرا اقتنعت جوجي ونامو سوا وقامو الصبح

جوجي : بت يا دودو انتي يابت يابت قوووومي يالهووووي دودو وجوجي Bigemo_harabe_net-80

دودو طبعا قامت وهيجيلها سكته قلبيه

دودو : في ايه يابت في ايه ايه اللي حصل دودو وجوجي Bigemo_harabe_net-136

جوجي : قومي يابت اتاخرنا علي المحاضره دودو وجوجي Bigemo_harabe_net-99

دودو طبعا كانت نفسها تمسك اي حاجه وتخبطها في دماغ جوجي: دودو وجوجي Bigemo_harabe_net-136

لكن ربنا ستر وقدرت تمسك اعصابها

لبسو وجهزو ونزلو جري علشان يلحقو المحاضره

سنه اولي بقي وبيحافظو علي المواعيد وكده فاكرين نفسهم لسه في ثانوي دودو وجوجي Cool

المهم وصلو المحاضره وطبعا كانت بدات

اول ما وصلو

جوجي : يالهوي يابت دي المحاضره بدات هنعمل ايه 22.gif

دودو : مش عارفه يا جوجي والله يلا ندخل عادي يعني احنا لسه اول يوم
ومش هيقولنا حاجه

جوجي : يلا ربنا يستر دودو وجوجي Rolleyes

خبطو وبيفتحو الباب

جوجي : اسفين يا دكتور اتاخرنا علي حضرتك

الدكتور : انتي لسه فاكره يا هانم انتي وهي

المحاضره بقالها عشر دقايق شغاله دودو وجوجي Mad

انتم هتستهترو من اولها اسمك ايه يا بت انتي وهي

دودو لجوجي وبتوشوشها : يالهوي احنا هنسقط السنه دي ولا ايه دودو وجوجي Eek

دودو : يا دكتور معلش النهارده اول يوم واحنا اتاخرنا علشان السكن وكده بعيد

قاطعها الدكتور : ده عند مامي يا روح مامي

اتفضلي انتي وهي اترزعو مكانكم ومسمعش نفس

لو حصلت تاني ووصلتم متاخرين احسنلكم متدخلوش دودو وجوجي Confused

طبعا جوجي ودودو وشهم اتحول لطماطم

وكانو محروجين جدااا من الموقف اللي هما فيه واللي عمرمهم ما اتعرضو ليه

وعدت المحاضرة علي خير دودو وجوجي Sad

عايزين تعرفوا ايه اللي هايحصلهم بعد كده

تابعوا معانا الحلقات اللي جاية دودو وجوجي 554

موضوع: رد: دودو وجوجي الجمعة يوليو 24, 2009 2:00 pm

وادي الحلقه التالته علطول
حلو التفاعل
== الحلقه التالته ==

جوجي : انا مش فاهمه ايه الراجل الغريب ده دودو وجوجي Bigemo_harabe_net-136

ما كل الناس بتيجي متاخر

اشمعني احنا اللي لقطنا يعني

دودو : اسكتي يا جوجي انا كنت حاسه انه هيغمن عليا بعد ما احرجنا كده

مشوفتيش العيال كانو بيبصو علينا ازاي دودو وجوجي Bigemo_harabe_net-136

جوجي : بيبصوا علينا دول كانوا هايقومو ياكلونا

زي ما يكونو اول مرة يشوفو بنات ولا حاجة 13.gif

دودو : ناس غريبه ولا بعد كده الدكتور كان عمال بيتكلم

بالالغاز بت انتي فهمتي حاجه دودو وجوجي Bigemo_harabe_net-59

جوجي : ها... ايه ... اها ايوه طبعا فهمت امال ايه يا بنتي

انتي حد قالك اني ببيع لب في الكليه دي

دودو : طيب كويس يا شاطره علشان تبقي تشرحيلي

في البيت اما نروح ولا هتبعيني يا جوجي انا كده هسقط دودو وجوجي Bigemo_harabe_net-67

جوجي : ده انا ابيع ابويا .. ولا اعرفك اصلا

دودو: يالهوي اخص عليكي هتبخلي عليا

بالكلمتين اللي قالهم الدكتور النهارده دودو وجوجي Bigemo_harabe_net-50

هاتشرحيلي والا هروح امسك في زماره رقبته الدكتور ده دودو وجوجي Bigemo_harabe_net-136

وفجاه يعدي الدكتور من قدامهم

كانهم شافو عزرائيل

وجوجي تاخد دودو من ايديها وجري علي بره

وهما مسخسخين من الضحك

جوجي : بت تعالي نقعد في الكافيتريا

دي نطلب حاجة ساقعة بدل الحر اللي احنا فيه ده

دودو : يالا بس مش عاوزين نتاخر احنا لسه هننزل

نشتري سرير واكل علشان ناكل النهارده

جوجي : ايه ده هو انتي بتعرفي تطبخي دودو وجوجي Bigemo_harabe_net-24

دودو : اه طبعا يابنتي ده انا خبره

بس تعالي بس وانا هوريكي

جوجي : تعالي يا ختي اما نشوف

دودو : انتي تروحي تعملي رز وتشتري سرير وانا هروح اجيب باقي الغدا علشان ننجز

احنا خلاص بقينا بعد الظهر

جوجي : قشطة يا معلم ابتديتي تفهميني

دودو : طب يلا يا جميل سي يو

جوجي : ولو اني مش فاهمه بس سلام

دودو : سلام يا جميل ( مش فاهمه ايه البت دي عاوزه يتولع فيها دودو وجوجي Mellow

)

وراحت جوجي اشترت سرير

وراحت البيت تعمل الرز ولعت عليه وسابته وراحت تركب السرير

ودودو نزلت السوق تشتري حاجات الاكل وهي

راجعه تاهت عن البيت وكانت حالتها حاله

وجوجي طبعا في المطبخ محتاسة وهي بتطفي في النار اللي

ولعتها بعد ما نسيت الرز علي النار وشاط واتفحم كمان دودو وجوجي Bigemo_harabe_net-50

جوجي : يا نهار ابيض البت دودو هاتقتلني اعمل ايه دلوقتي دودو وجوجي Bigemo_harabe_net-59

دي زمانها ميته من الجوع

يارب ساعدني

انا انزل اجيب رز غيره اعمله بسرعه دودو وجوجي Bigemo_harabe_net-136

بس انزل فين ده مافيش حد قريب مننا بيبيع رز

يا نهار

كده كملت دودو وجوجي Straight%20Face

انا هابات في الشارع النهاردة

ودودو مش بتفكر في اكل ولا في غيره كل

اللي بتفكر فيه توصل البيت ازاااي

وشكلها مكسوفه تسال حد عن العنوان لغايه

ما ربنا فرجها عليها وجاتلها فكره جهنميه

( جهنمية جهنمية يعني ) دودو وجوجي Bigemo_harabe_net-136

تاخد تاكسي وتروح بيه وفعلا وصلت البيت دودو وجوجي Bigemo_harabe_net-07

ولقت جوجي قاعده علي السرير الجديد

دودو : يالهوي يا جوجي شوفتي جرالي

ايه انا هقع من الجوع يابت فين الرز

انا جبت شويه سمك اهو ناكل بيهم دودو وجوجي Bigemo_harabe_net-26

جوجي : لا ربنا يخليكي يا دودو انا عن نفسي مش جعانه دلوقتي دودو وجوجي Huh

دودو : يالهوي مش جعانه ايه يابت دودو وجوجي Confused

طب خلاص احسن وفرتي انا بقي هقع من الجوع دودو وجوجي Eek

وتجري دودو علي المطبخ وعندها امل فظيع تلاقي اكل

وتقابل الكارثه اللي جوه وتتصدم واقفه مكانها دودو وجوجي Sad

عايزين تعرفو ايه اللي حصل بين جوجي ودودو دودو وجوجي 310

تابعو معانا الحلقه اللي جايه دودو وجوجي 554

موضوع: رد: دودو وجوجي السبت يوليو 25, 2009 5:39 pm

جميله والله وبعديييييييييييييييييييين يا معلم اطلق العنان لمخيلتك

موضوع: رد: دودو وجوجي السبت أكتوبر 24, 2009 6:57 pm

شكرا على هذا المجهود كانت اكتير حلوا

موضوع: رد: دودو وجوجي الأحد أكتوبر 25, 2009 12:10 pm

ميرسي ملك علي متابعتك معايا وردك
ثانكس سوسو علي مرورك